Янгиликлар
Nogironlik pensiyalari va kompensatsiyalar tayinlashda proaktiv xizmatlar joriy etiladi
Nogironlik pensiyalari va kompensatsiyalar tayinlashda
proaktiv xizmatlar joriy etiladi
Oʻzbekiston Respublikasi Prezidenti Qarori bilan 2025-yil 1-iyuldan boshlab fuqarolarga davlat pensiyalari va kompensatsiyalarni tayinlashning quyidagi soddalashtirilgan tartibi joriy etilmoqda:
(a) fuqarolarga I yoki II guruh nogironligi belgilanishi munosabati bilan pensiyalarni alohida murojaat talab etmagan holda proaktiv shaklda tayinlash. Bunda fuqaroga proaktiv shaklda tayinlangan pensiyalarni rad qilish huquqi beriladi;
(b) koʻrish qobiliyati boʻyicha I guruh nogironligi boʻlgan shaxslarga hamda yadro poligonlari va boshqa radiatsiya-yadro obyektlarida harbiy xizmatni oʻtagan shaxslarga kompensatsiyalarni elektron maʼlumotlar almashinuvi asosida proaktiv shaklda tayinlash;
(v) nogironlik pensiyasi tayinlangandan soʻng kamida bir yil ish stajiga ega boʻlganda fuqaroning pensiya miqdorini har ikki yilda proaktiv shaklda qayta hisoblash.
2025-yil 1-oktyabrdan boshlab davlat pensiya taʼminotiga oid hamda AT “Xalq banki” tomonidan pensiyalarni naqd pul shaklida toʻlash bilan bogʻliq koʻrsatiladigan xizmatlarni fuqarolarni biometrik identifikatsiya qilish (Face-ID) hamda ularning imzosini elektron shaklda olish orqali amalga oshirish tartibi joriy etilmoqda. Bunda toʻlovni amalga oshirish qaydnomasini elektron shaklda planshet orqali imzolashga ruxsat beriladi.
Asos: Oʻzbekiston Respublikasi Prezidentining 2025-yil 27-maydagi PQ-194-son qarori.
Toshkent viloyati adliya boshqarmasi
DXM va FXDY organlari faoliyatini
muvofiqlashtirish sho‘ba boshlig'i X.Prnazarov
