Янгиликлар

Sirtqi ta'lim shakliga qabul tugatildi

Sirtqi ta'lim shakliga qabul tugatildi

“Ta'lim sifatini ta'minlash va ta'lim xizmatlari ko'rsatish tizimini takomillashtirish bo'yicha qo'shimcha chora-tadbirlar to'g'risida” gi Prezident Farmoniga (PF-76-son, 05.05.2025-y.) ko'ra, 2025/2026-o'quv yilidan ta'limning sirtqi shakliga qabul tugatiladi hamda kunduzgi ta'limdan boshqa muqobil ta'lim shakllari bo'yicha qabul kvotalari oshirib boriladi.

2025/2026-o'quv yilidan boshlab:

·        oliy ta'lim tashkilotlarining muqobil ta'lim shakllari bo'yicha umumiy qabul kvotasini kunduzgi ta'lim shakli qabul natijasining 50 foizidan oshirishga yo'l qo'yilmaydi;

·        magistratura bosqichida muqobil ta'lim shakllari asosida ilmiy-pedagogik kadrlarni tayyorlashga ruxsat beriladi;

·        oliy ta'lim tashkilotlarida muqobil ta'limning kredit-modul tizimiga asoslangan maqbullashtirilgan kunduzgi ta'lim shakli (part-time education) bo'yicha o'qitish yo'lga qo'yiladi;

·        muqobil ta'lim shakllariga talabalarni belgilangan me'yordan ortiqcha qabul qilish lisenziya talab va shartlarini qo'pol ravishda buzish deb baholanadi hamda lisenziyani bekor qilish uchun asos hisoblanadi.

Shuningdek, har bir ta'lim tashkiloti tarkibida ichki ta'lim sifati auditini amalga oshirishga mas'ul ichki ta'lim sifati nazorati bo'limlari tashkil etiladi.

Ohangaron shahar YXKM bosh yuriskonsulti                       O.Raxmonov