Янгиликлар

Qonunchilikda aliment miqdorini kamaytirish mumkinlishgi belgilanganmi?

Qonunchilikda aliment miqdorini kamaytirish mumkinlishgi belgilanganmi?

Oila kodeksining 99-moddasiga asosan aliment to‘lovlarning miqdori taraflarning moddiy yoki oilaviy ahvolini va boshqa e’tiborga loyiq holatlarni hisobga olgan holda sud tomonidan kamaytirilishi yoki ko‘paytirilishi mumkin.

Oila kodeksi 105-moddasiga ko‘ra, aliment to‘layotgan ota-onaning boshqa voyaga yetmagan bolalari bo‘lib, undan qonunda belgilangan miqdorda aliment undirilganda o‘sha bolalar aliment olayotgan bolalarga nisbatan moddiy jihatdan kamroq ta’minlanib qoladigan bo‘lsa, shuningdek aliment to‘layotgan ota (ona) nogironligi bo‘lgan shaxs bo‘lib, moddiy jihatdan qiynalib kelayotgan bo‘lsa yoki aliment olayotgan shaxs mustaqil daromadga ega bo‘lgan taqdirda, aliment miqdori sud tomonidan kamaytirilishi mumkin.

Siz ushbu holatda sudga aliment miqdorini kamaytirish bo‘yicha murojaat qilishingiz kerak. Aliment to‘laydigan farzandlaringizdan tashqari yana 2 ta farzandingiz bo‘lgani uchun sud aliment miqdorini qayta hisoblab beradi.

Ohangaron tuman Adliya bo‘limi

yuridik xizmat ko‘rsatish markazi     

bosh yuriskonsulti                       

Xalimov Abdulazizjon Doniyorjon o‘g‘li