Янгиликлар

Туғилганлик ҳақида маълумотнома қандай олинади?

---

Туғилганлик ҳақида маълумотнома қандай олинади?

 

Туғилганлик ҳақида маълумотнома — бу шахснинг туғилганлигини тасдиқлайдиган ҳужжат бўлиб, у одатда ФҲДЁ (Фуқаролик ҳолати далолатномаларини ёзиш бўлими) томонидан берилади.

Ўзбекистон Республикаси Вазирлар Маҳкамасининг 2023-йил 20-ноябрдаги "Давлат хизматларини кўрсатишни тартибга солувчи норматив-ҳуқуқий ҳужжатларни тизимлаштириш чора-тадбирлари тўғрисида"ги 612-сон қарорига асосан

Қуйида бу маълумотномани олиш тартиби билан танишинг:

Қаердан олинади:

• ФҲДЁ бўлимида — туғилган жой бўйича ёки яшаш жойингиз бўйича.
• Давлат хизматлари марказидан ёки Ягона интерактив давлат хизматлари портали (my.gov.uz) орқали онлайн олиш мумкин.

Керакли ҳужжатлар:

ФҲДЁ орқали мурожаат қилганда:

• Ариза;
• Аризачи паспорти (ёки ID-картаси);
• Агар бола ҳақида маълумотнома олинаётган бўлса — туғилганлик ҳақидаги гувоҳнома;
• Агар ҳужжат йўқолган бўлса — паспорт ёки шунга боғлиқ бошқа ҳужжатлар орқали шахсни тасдиқлаш

Онлайн тартибда олиш (my.gov.uz орқали):

·         https://my.gov.uz сайтига киринг.

·         “ФҲДЁ ҳужжатларидан маълумотнома олиш” хизматига киринг.

·         Электрон рақамли имзо (ЭРИ) ёрдамида тизимга киринг.

·         Аризани тўлдиринг ва тақдим этинг.

·         Маълумотнома электрон шаклда (PDF форматда) юклаб олинади ёки электрон почтангизга юборилади.

 

Ўрта Чирчиқ туман Адлия бўлими

Давлат хизматлари маркази мутахасиси                  М.Султанова

---