Янгиликлар

I va II guruh nogironligi boʻlgan xodimni yillik mehnat taʼtilidan chaqirib olish mumkinmi?

I va II guruh nogironligi boʻlgan xodimni yillik mehnat taʼtilidan chaqirib olish mumkinmi?

O’zbekiston Respublikasi Mehnat kodeksining 429-moddasiga ko’ra, I va II guruh nogironligi boʻlgan xodimlar uchun yillik mehnat taʼtilidan foydalanish tartibi belgilangan bo’lib unga ko’ra, I va II guruh nogironligi boʻlgan xodimlarga davomiyligi kamida oʻttiz kalendar kundan iborat yillik mehnat taʼtili beriladi va ular bu taʼtildan yilning oʻzlari uchun qulay boʻlgan vaqtida foydalanishi mumkin. Agar yillik mehnat taʼtili berilayotgan ish yili xodimga nogironlik belgilanguniga qadar va belgilanganidan keyingi davrlarni yoxud mazkur xodimning nogironligi tibbiy-ijtimoiy ekspert komissiyasi tomonidan olib tashlanguniga qadar boʻlgan davrni va olib tashlanganidan keyingi davrni qamrab olsa, yillik mehnat taʼtilining davomiyligi nogironlik belgilangan davrdagi va nogironlik yuzaga kelguniga qadar yoki nogironlik olib tashlanganidan keyingi ish davriga mutanosib ravishda hisoblanadi.

I va II guruh nogironligi boʻlgan xodimni yillik mehnat taʼtilidan chaqirib olishga yoʻl qoʻyilmaydi.

Parkent tuman adliya bo’limi,

yuridik xizmat ko’rsatish markazi                                        M.M.Payziyev

bosh yuristkonsulti