Янгиликлар

Hokimlik xodimlarining ish faoliyati qanday tartibda baholanadi va bu baholash qaysi hujjatga asoslanadi?

Hokimlik xodimlarining ish faoliyati qanday tartibda baholanadi va bu baholash qaysi hujjatga asoslanadi?

Javob:

Hokimliklarda ishlaydigan davlat fuqarolik xizmatchilari faoliyati eng muhim samaradorlik ko‘rsatkichlari (KPI) asosida baholanadi.

Bu tartib 2025 yil 28 oktyabrda Adliya vazirligi tomonidan 3696-son bilan davlat ro‘yxatidan o‘tkazilgan “Mahalliy ijro etuvchi hokimiyat organlari xodimlari faoliyatining samaradorligini eng muhim samaradorlik ko‘rsatkichlari (KPI) asosida baholashning namuaviy tartibi” ga muvofiq joriy etilgan.

Asosiy jihatlar:

Baholashning maqsadi: xodimning ish natijadorligi, xizmat vazifalarini bajarish darajasi va faoliyatining tashkilot maqsadlariga qo‘shgan hissasini aniqlash.

Shaxsiy KPI: har bir xodimning individual vazifalariga mos ravishda indikatorlar belgilanadi.

Natijalarni hisoblash: KPI natijalari “samaradorlik.uz” elektron platformasi orqali avtomatik tarzda shakllantiriladi.

Natijalardan foydalanish: baholash natijalari Davlat xizmatini rivojlantirish agentligi va hokimlikning kadrlar bo‘limi tomonidan ko‘rib chiqiladi va xizmat po‘g‘onasida o‘sish yoki rag‘batlantirishda asos bo‘ladi.

O‘rta Chirchiq tumani

Davlat xizmatlari markazi

direktori M.Sultanov