Янгиликлар

Men qon topshirganligim uchun ishga chiqa olmadim va bu haqida ish beruvchini ogohlantirdim. Lekin ishga chiqmading deb, menga hayfsan berishdi shu toʻgʻrimi?

Men qon topshirganligim uchun ishga chiqa olmadim va bu haqida ish beruvchini ogohlantirdim. Lekin ishga chiqmading deb, menga hayfsan berishdi shu toʻgʻrimi?

Notoʻgʻri. Chunki MK 282-moddasiga koʻra, ish beruvchi xodimning davlat va jamoat majburiyatlarini bajarish vaqtida uni ishdan ish joyini (lavozimini) va oʻrtacha oylik ish haqini saqlagan holda quyidagi hollarda ozod etishi shart:

·        saylov huquqini amalga oshirayotganda;

·        deputatlik vazifalarini, shuningdek oʻz vakolatlarini ishlab chiqarishdan yoki xizmat faoliyatidan ajralmagan holda amalga oshiruvchi Oʻzbekiston Respublikasi Oliy Majlisi Senati a’zosining vazifalarini bajarayotganda;

·        tibbiy-ijtimoiy ekspert komissiyasining ishida ishtirok etayotganda;

·        harbiy majburiyatlarni bajarayotganda;

·        tergovga qadar tekshiruvni amalga oshiruvchi organga, surishtiruvchiga, tergovchiga, prokurorga yoki sudga guvoh, jabrlanuvchi, ekspert, mutaxassis, tarjimon, xolis sifatida chaqirilganda;

·        sud majlislarida xalq maslahatchisi, jamoat ayblovchisi va jamoat himoyachisi, jamoat birlashmalari va mehnat jamoalarining vakili sifatida ishtirok etayotganda;

·        Oʻzbekiston Respublikasi Oliy Majlisining Inson huquqlari boʻyicha vakili (ombudsman) huzuridagi Insonning konstitutsiyaviy huquqlari va erkinliklariga rioya etilishi boʻyicha komissiya faoliyatida ishtirok etganda;

·        xodim davlat va jamiyat manfaatlarini koʻzlab harakatlarni amalga oshirganda (avariyalar, tabiiy ofatlar oqibatlarini bartaraf etish, inson hayotini saqlab qolish, qon va uning tarkibiy qismlarini topshirish, shuningdek boshqa hollarda);

·        Oʻzbekiston Respublikasi qonunida yoki Prezidentining farmonlari va qarorlarida yoxud Oʻzbekiston Respublikasi Vazirlar Mahkamasining qarorlarida nazarda tutilgan boshqa hollarda.

Shuningdek, MK 283-moddasiga koʻra, ish beruvchi tibbiy tekshiruvdan oʻtish kunida hamda qon va uning tarkibiy qismlarini topshirish kunida xodimlarni tibbiyot muassasalariga moneliksiz yuborishi shart.