Янгиликлар

Qanday hollarda davlat boji qaytariladi?

Qanday hollarda davlat boji qaytariladi?

O‘zbekiston "Davlat boji to‘g‘risida"gi Qonunda davlat bojini qaytarish tartibi belgilangan. Davlat boji quyidagi hollarda to‘liq yoki qisman qaytarilishi kerak:

- davlat boji qonunchilikda talab qilinganidan ortiqcha miqdorda to‘langanida;

- sud da’vo arizasini (arizani, shikoyatni) qaytarganda yoki qabul qilishni rad etganda, shuningdek, notarius notarial harakatlarni amalga oshirishni rad etganda;

- apellyatsiya, kassatsiya va taftish shikoyati qaytarilganda yoki uni qabul qilish rad etilganda;

- davlat boji to‘langan da’vo arizasi (ariza, shikoyat) yoki apellyatsiya, kassatsiya va taftish shikoyati sudga kelib tushmaganda;

- agar ish sudga taalluqli bo‘lmasa, ishni yuritish tugatilganda, bundan ish taalluqliligiga ko‘ra boshqa sudga ko‘rib chiqish uchun o‘tkazilgan hollar mustasno;

- ariza ko‘rmasdan qoldirilganda, agar u muomalaga layoqatsiz shaxs tomonidan berilgan bo‘lsa;

- sudning yoki hakamlik sudining ish yurituvida ayni bir taraflar o‘rtasidagi, ayni bir predmet to‘g‘risidagi va ayni bir asoslar bo‘yicha nizo yuzasidan ish mavjud bo‘lsa, ariza ko‘rmasdan qoldirilganda;

- agar taraflar o‘rtasida nizoni hal qilish uchun hakamlik sudiga topshirish to‘g‘risida hakamlik bitimi tuzilgan bo‘lsa, ariza ko‘rmasdan qoldirilganda;

- agar taraflar o‘rtasida mediativ kelishuv tuzilgan bo‘lsa, ariza ko‘rmasdan qoldirilganda;

- ishda ishtirok etgan shaxs vafot etganida, agar nizoli huquqiy munosabat huquqiy vorislikka yo‘l qo‘ymasa;

- voyaga yetmagan bolalari bo‘lmagan er-xotinning nikohi o‘zaro rozilik asosida bekor qilinganligini qayd etish uchun davlat boji to‘langanda, agar er-xotinning yarashishi yoki ulardan birining sudga kelmaganligi tufayli nikohni bekor qilish amalga oshirilmagan bo‘lsa;

- agar ishda ishtirok etayotgan yuridik shaxs tugatilgan bo‘lsa;

- sud buyrug‘ini chiqarish to‘g‘risidagi arizani qabul qilish rad etilganda;

Toshkent tumani adliya bo‘limi

bosh maslaxatchisi                                                                         

M.Xasanov