Янгиликлар
Ijtimoiy himoyaga muhtoj shaxslarga nafaqa va to‘lovlar tizimini takomillashtirish
Ijtimoiy himoyaga muhtoj shaxslarga nafaqa va to‘lovlar tizimini takomillashtirish
O‘zbekiston Respublikasi Vazirlar Mahkamasining 2023-yil 23-martdagi 119-son qarori ijtimoiy himoyaga muhtoj ayrim toifadagi shaxslarga nafaqa va qo‘shimcha to‘lovlarni tayinlash hamda to‘lash tartibini yanada takomillashtirishga qaratilgan. Qaror bilan mazkur sohani tartibga soluvchi nizomlar tasdiqlangan. Qarorning asosiy maqsadi — aholining ijtimoiy ehtiyojmand qatlamlarini davlat tomonidan qo‘llab-quvvatlash tizimini shaffof, adolatli va qulay shaklda tashkil etishdan iborat. Shu bilan birga, nafaqa va to‘lovlarni tayinlash jarayoniga zamonaviy axborot texnologiyalarini keng joriy etish belgilangan. Elektron axborot tizimlari orqali ariza topshirish, ma’lumotlarni avtomatik tekshirish va to‘lovlarni tezkor amalga oshirish imkoniyatlari yaratiladi. Bu inson omilini kamaytirish, ortiqcha hujjatbozlikni bartaraf etish va davlat xizmatlari sifatini oshirishga xizmat qiladi. Xulosa qilib aytganda, 119-son qaror ijtimoiy himoya tizimini raqamlashtirish, aholiga ko‘rsatilayotgan yordam samaradorligini oshirish va davlat xizmatlarini yanada takomillashtirishda muhim ahamiyatga ega.
Bekobod tumani Davlat xizmatlari markazi
bosh mutaxassisi G.Xalikulova