Янгиликлар
Mehnatga layoqatsizlik va onalik nafaqalari yangi tartibda tayinlanadi
Mehnatga layoqatsizlik va onalik nafaqalari yangi tartibda tayinlanadi
Vazirlar Mahkamasining 2025-yil 17-dekabrdagi 796-son qarori bilan aholini davlat ijtimoiy sug‘urtasi bo‘yicha to‘lovlarni amalga oshirish tizimi yanada takomillashtirildi. Prezidentning PF–206-son Farmoniga muvofiq:
2026-yil 1-yanvardan – homiladorlik va tug‘ish nafaqasi,
2026-yil 1-iyuldan – vaqtincha mehnatga layoqatsizlik nafaqasi
yangi davlat ijtimoiy sug‘urtasi tizimi asosida tayinlanadi. Davlat ijtimoiy sug‘urtasi jamg‘armasi Qaror bilan:
Davlat ijtimoiy sug‘urtasi jamg‘armasi to‘g‘risidagi nizom;
Kuzatuv kengashi tarkibi;
Ijro etuvchi direksiya tuzilmasi;
Nafaqalarni tayinlash va to‘lash tartibi tasdiqlandi.Nafaqalar proaktiv shaklda, ya’ni fuqaroning alohida murojaatisiz, Ijtimoiy himoya milliy agentligining axborot tizimi orqali avtomatik belgilanadi. To‘lovlar:
sug‘urta staji;
Davlat ijtimoiy sug‘urtasi jamg‘armasiga to‘langan badallar miqdoriga mutanosib ravishda hisoblanadi. Fuqarolar davlat ijtimoiy sug‘urtasi bilan:
majburiy tartibda (JShDSning bir qismi hisobidan);
ixtiyoriy ravishda (har oy MHTEKMning 5 foizi miqdorida badal to‘lash orqali) qamrab olinadi.
Sug‘urta hodisasi quyidagi davrlarda yuz bersa, to‘lov tayinlanadi:
mehnat shartnomasi asosida ishlash davrida;
fuqarolik-huquqiy shartnomalar asosida xizmat ko‘rsatishda;
boshqa qonuniy rasmiy faoliyat davomida.Minimal sug‘urta staji:
homiladorlik va tug‘ish nafaqasi uchun – kamida 10 oy;
vaqtincha mehnatga layoqatsizlik nafaqasi uchun – kamida 6 oy.
Vaqtincha mehnatga layoqatsizlik
Nafaqa mehnatga layoqatsizlik varaqasida ko‘rsatilgan davr uchun to‘lanadi;
Bir yil davomida 182 kundan oshmagan muddatda beriladi.
Nafaqa o‘rtacha ish haqi va sug‘urta stajiga qarab belgilanadi:
10–24 oy – 75%;
25–60 oy – 85%;
61 oydan boshlab – 100%.
Bekobod tumani FHDY bo`limi 2- toifali inspektori
N.Shamirzayeva