Янгиликлар

Davlat yordamining raqobatga ta’sirini baholash tushunchsi nima?

Davlat yordamining raqobatga ta’sirini baholash tushunchsi nima?

Davlat xo‘jalik yurituvchi subyektlarga soliq va bojxona imtiyozlari, subsidiyalar, grantlar, davlat kafolatlari, imtiyozli kreditlar, eksklyuziv huquqlar, davlat mulkini imtiyozli narxlarda sotish va ijaraga berish, yer resurslaridan va yerosti boyliklaridan foydalanish huquqlarini imtiyozli shartlar asosida berish hamda boshqa preferensiyalar va afzalliklar tarzida davlat yordamini berishi mumkin.

Ayrim xo‘jalik yurituvchi subyektlarga sog‘lom raqobat muhitiga salbiy ta’sir ko‘rsatadigan tarzda yakka tartibda davlat yordami berilishiga yo‘l qo‘yilmaydi.

Davlat yordami berilishini nazarda tutuvchi normativ-huquqiy hujjatlar loyihalari ularning raqobatga ta’sirini baholash uchun vakolatli davlat organiga majburiy tartibda kiritiladi.

Raqobatga ta’sirni baholash natijalari yuzasidan vakolatli davlat organining xulosasi davlat yordami ko‘rsatilishini nazarda tutuvchi normativ-huquqiy hujjatlarni qabul qilish chog‘ida majburiy tartibda ko‘rib chiqiladi.

Ushbu moddaning ikkinchi qismida ko‘rsatilgan talablar O‘zbekiston Respublikasi Prezidentining qarorlarida nazarda tutilgan hollarga nisbatan tatbiq etilmaydi.

Bekobod tumani Adliya bo‘limi YuXKM boshlig`i A.Iskandarov