Янгиликлар
28
Korrupsiyaga qarshi kurash — davlat siyosati darajasida
Korrupsiyaga qarshi kurash — davlat siyosati darajasida
So‘nggi yillarda O‘zbekiston Respublikasida korrupsiyaga qarshi kurash davlat siyosatining ustuvor yo‘nalishiga aylandi. Bu borada mustahkam huquqiy baza yaratilib, maxsus institutlar faoliyati yo‘lga qo‘yildi. Korrupsiyaga qarshi kurashish agentligining tashkil etilishi ushbu yo‘nalishdagi ishlarni tizimli olib borishga xizmat qildi.
Asosiy e’tibor faqat korrupsion jinoyatlarni fosh etishga emas, balki ularning kelib chiqish sabablarini oldindan bartaraf etishga qaratildi. Davlat organlari faoliyatida ochiqlik va shaffoflikni ta’minlash, hisobdorlikni kuchaytirish muhim vazifa sifatida belgilandi.
Qabul qilingan qonun va qarorlar amaliyotga joriy etilib, davlat xizmatchilari uchun halollik standartlari shakllantirildi. Manfaatlar to‘qnashuvining oldini olish, daromad va mol-mulkni deklaratsiya qilish kabi mexanizmlar joriy qilindi.
Natijada jamiyatda korrupsiyaga nisbatan murosasiz munosabat kuchayib, adolat tamoyillari tobora mustahkamlanmoqda.
Chinoz tuman adliya bo‘lim boshlig‘i
Farxod Shuxratovich Xaitmetov