Янгиликлар
28
Raqamlashtirish — korrupsiyaga qarshi samarali vosita
Raqamlashtirish — korrupsiyaga qarshi samarali vosita
Korrupsiyaning asosiy omillaridan biri inson omili hisoblanadi. Shu sababli O‘zbekistonda davlat xizmatlarini raqamlashtirish keng ko‘lamda amalga oshirilmoqda. Elektron hukumat tizimi joriy etilib, ko‘plab xizmatlar onlayn shaklga o‘tkazildi.
Avvallari fuqarolar hujjat topshirish uchun bir nechta idoralarga borishga majbur bo‘lgan bo‘lsa, hozir bu jarayonlar elektron tarzda bajarilmoqda. Bu esa ortiqcha muloqotlarni kamaytirib, korrupsiya xavfini sezilarli darajada pasaytirdi.
Davlat xaridlari ham elektron platformalar orqali o‘tkazilmoqda. Barcha ma’lumotlarning ochiq e’lon qilinishi jamoatchilik nazoratini kuchaytirdi. Endilikda tanlov natijalari yashirin kelishuvlar emas, balki raqobat asosida belgilanmoqda.
Raqamlashtirish korrupsiyaga qarshi kurashda eng ishonchli vositalardan biriga aylandi.
Chinoz tuman adliya bo‘lim boshlig‘i
Farxod Shuxratovich Xaitmetov