Ishga tiklash boʻyicha oʻtkazib yuborilgan daʼvo muddati sud tomonidan tiklanishi mumkinmi?

Korrupsiya jamiyat kushandasi

Litsenziya olish endi oson

Медиация — низоларни ҳал қилишнинг самарали усули сифатида

Qarz shartnomasi boʻlmasa berilgan pulni undirish mumkinmi?

Qarz shartnomasi boʻyicha bir taraf (qarz beruvchi) ikkinchi tarafga (qarz oluvchiga) pul yoki turga xos alomatlari bilan belgilangan boshqa ashyolarni mulk qilib beradi, qarz oluvchi esa qarz beruvchiga bir yoʻla yoki boʻlib-boʻlib, oʻshancha summadagi pulni yoki qarzga olingan ashyolarning xili, sifati va miqdoriga baravar ashyolarni (qarz summasini) qaytarib berish majburiyatini oladi. Qarz shartnomasining huquqiy tasnifi Oʻzbekiston Respublikasi Fuqarolik Kodesning 732-moddasida oʻtilgan boʻlib, qarz shartnomasi pul yoki ashyolar topshirilgan paytdan boshlab tuzilgan hisoblanadi.

.Qarz evaziga uni qaytarish sharti bilan pul olingani haqida yozilgan tilxat yoki boshqa yozma hujjatning (masalan, tushuntirish xatlari) mavjudligi fuqarolar oʻrtasida qarz shartnomasining tuzilganligidan dalolat beradi. Bunday yozma dalilning yoʻqligi, guvohlarning ogʻzaki koʻrsatmalari bilan qarz oldi-berdi munosabati haqiqatda ham boʻlganligini tasdiqlashga asos boʻlmaydi. Agar fuqaroning sizda qarz evaziga pul olganligini tasdiqlovchi yozma hujjat mavjud boʻlsa, bunday holatda siz uning yashash joyidagi fuqarolik ishlari boʻyicha tumanlararo sudga daʼvo arizasi bilan murojaat qilishingiz lozim boʻladi.

         Shuningdek, fuqarolik qonunchiligida pul mablagʻini boshqa shaxsdan undirish daʼvo talabiga nisbatan uch yillik daʼvo muddati qoʻllanilishi nazarda tutilgan. Ushbu muddatning oʻtishi fuqaroning sizga qarzini qaytarishi lozim boʻlgan muddat oʻtganidan boshlab hisoblanadi. Sud har qanday holatda ham sizning qarz undirish haqidagi daʼvo arizangizni ish yurituviga qabul qilib, mazmunan koʻrib chiqishi lozim boʻladi. Daʼvo muddatining qoʻllanilishi faqatgina qarz oluvchining sudga bergan yozma arizasiga asosan amalga oshiriladi.

Agar qarz oluvchining tilxati yoki unga qarz beruvchi tomonidan muayyan summa yoki muayyan miqdordagi ashyolar topshirilganligini tasdiqlaydigan boshqa hujjat mavjud boʻlsa, qarz shartnomasi yozma shaklda tuzilgan hisoblanadi. Qarz oluvchi olingan qarz summasini qarz shartnomasida nazarda tutilgan muddatda va tartibda qarz beruvchiga qaytarishi shart. Agar qarz summasini qaytarish muddati shartnomada belgilangan boʻlmasa, qarz oluvchi uni qarz beruvchi qarzni qaytarish haqida talab qoʻygan kundan boshlab oʻttiz kun mobaynida qaytarishi kerak.

                            Chinoz tuman adliya boʻlimi yuridik xizmat

koʻrsatish markazi bosh yuristkonsulti

M.Nunnazarov.

Sud organi tomonidan nikoh shartnomasini bekor qilish tartibi

FHDYo organi tomonidan nikoh shartnomasini bekor qilish tartibi

Yangi tahrirdagi O‘zbekiston Respublikasining mehnat kodeksi

Onlayn davlat xizmatlari bu...

Litsenziya va ruxsatnoma berish tartibi endi oson